Itinerario Lector

Iniciamos hoxe este camiño de lecturas que nos han ir acompañando todo o curso. Para empezar, chamamos con Charlie ás portas da fábrica do señor Wonka.

Subliñado xerárquico

Achegámonos hoxe a esta técnica de subliñado na que cada cor denota un rango de importancia distinto. Ao longo do curso iremos coñecendo distintas técnicas e estratexias de estudo; para que cada quen vaia escollendo as que mellor se adapten ao seu xeito de aprender.

Responsabilidades

Para o bo funcionamento de calquera grupo humano, todas as persoas que fan parte del deben achegar a súa dose de colaboración e tamén de respecto polas funcións que desenvolven os demais.

Na nosa aula, cada un ten encomedada unha responsabilidade.

Reunidas…

… en asemblea, as persoas que facemos parte do grupo de quinto e sexto e de Primaria decidimos dotarnos dunhas normas para poder convivir na nosa aula.

E despois de elaboralas todos xuntos, asinámolas para amosar o noso compromiso co seu cumprimento.

Arrincamos…

… un novo curso. Entre outras actividades destes días, hoxe fixemos o noso mapa conceptual para coñernos mellor a nós mesmos e darnos a coñecer aos demais.