Distintxs

Onte, na sesión de Competencia Emocional con Andrea, falamos de autismo, de diversidade, dos distintos xeitos de percibir o mundo que temos, das cousas que nos agradan e nos molestan, do perigo das etiquetas que á veces poñen sobre as nosas cabezas ou nos poñemos sobre as dos demais. E ao final concluímos que sempre hai que volver ao punto de partida, á sesión do outro día: empatía, tolerancia, respecto… tentar poñerse no lugar do outro, entender o seu punto de vista e respectar e valorar a nosa diversidade; esta é, sen dúbida, unha moi boa folla de ruta para calquera viaxe.

Subliñado xerárquico

Achegámonos hoxe a esta técnica de subliñado na que cada cor denota un rango de importancia distinto. Ao longo do curso iremos coñecendo distintas técnicas e estratexias de estudo; para que cada quen vaia escollendo as que mellor se adapten ao seu xeito de aprender.

Responsabilidades

Para o bo funcionamento de calquera grupo humano, todas as persoas que fan parte del deben achegar a súa dose de colaboración e tamén de respecto polas funcións que desenvolven os demais.

Na nosa aula, cada un ten encomedada unha responsabilidade.

Reunidas…

… en asemblea, as persoas que facemos parte do grupo de quinto e sexto e de Primaria decidimos dotarnos dunhas normas para poder convivir na nosa aula.

E despois de elaboralas todos xuntos, asinámolas para amosar o noso compromiso co seu cumprimento.